عزاه يا وقتٍ غدر في الاصحاب

مفلح الثبيتي الثلاثاء أبريل 13, 2010 8:10 am

عزاه ياوقت (ن)غدر فيه الاصحـاب

واصبح رفيع الشـان مثـل الوليـه

وعزاه ياروس(ن)مشت خلف الاذناب

وارض الوفا للناس تصبـح سنيـه

واكثر احسوفي لاتذكـرت الاقـراب

اللـي علـى قطـع المـودة وفيـه

وعـزاه يامـن ضيـع العمرطـلاب

يسعى ورى الدنيا ولو هـي دنيـه

وليـا نخيتـه قـال ميعادوحسـاب

خمسـه دقايـق لاتطـول علـيـه

مسكين يامسرع على صكـة البـاب

لاتحسـب الكفيـن دايـم قـويـه

ياسرع ما ترميك صكـات الاسبـاب

وارض(ن)تعلت بـك تعـود وطيـه

واصحابك اللي لاقسى الوقت غيـاب

خلتك عنـد البـاب مثـل المطيـه

ومهمـا تزيـن ماتزينـك الاثـواب

ونفس الـردي لـو زينوهـا رديـه

وياللي تصب السم لك يوم شـراب

وماتنفعـك توبتـك وقـت المنيـه

واخر كلاامي من مـع الله ماخـاب

ياغافـل الثنتيـن هــذي هـديـه

**رونق ~** الثلاثاء أبريل 13, 2010 12:58 pm

هالله عليك شاعرنا

صح لسانك اخوي

قصيده في قمة الروعه

عزاه يا وقتٍ غدر في الاصحاب

عزاه يا وقتٍ غدر في الاصحاب

رد: عزاه يا وقتٍ غدر في الاصحاب